zurück zur Übersicht

 

Project Neiv ei neiv è naiv es naiv

 

 Idea

Per l’exposiziun ‚Zäma, zema, ensemen, insieme‘ dil Kabinett der Visionäre en la Stadtgalerie da Cuira a partir dals 6 d’avrigl fin ils 13 d’avrigl 2018 ha l’artista rumantscha Yvonne Gienal creà in’ovra participativa. Il maletg simbolisescha las 5 regiuns linguisticas dal Grischun ed il rumantsch grischun – pia in maletg cun 6 cumparts. Cun questa ovra less Gienal mussar la cuminanza rumantscha e quai cun in simpel simbol – la naiv. Sia persvasiun è la forza d’ina communitad e betg la separaziun resp. il cumbat.

 

Mintga cumpart è vegnida creada d’ina persunalitad rumantscha che deriva dad ina da las 5 regiuns linguisticas. Mintga cumpart è ina foto che mussa unicamain naiv.

 

 

Las fotos èn vegnidas fatgas da (da sanester sisum en direcziun da l‘ura):

  • Martin Candinas, Sursilvan, politicher
  • Selina Gasparin, Puter, biatleta
  • Theo Haas, Sutsilvan, vischnanca burgaisa Domat/Ems
  • Yvonne Gienal, Rumantsch Grischun, artista
  • Benedetto Vigne, Surmiran, schurnalist ed autur
  • Gianna Olinda Cadonau, Vallader, promoziun da cultura, autura

 

Ils nums dals participants èn menziunads sper l’ovra. Enturn quest maletg vegn projectà in text en moviment. Il text è inspirà da la cumposiziun da las sis fotos.

 

RG – naiv è naiv

SS – neiv ei neiv

SM –  neiv è neiv

VA-  naiv es naiv

PU-  naiv es naiv

 

 Il messadi da Gienal è ni pro ni contra rumantsch grischun. Ses messadi è la pura necessitad da la cuminanza rumantscha.

 

  1. Contribuziun

L’artista ha tschertgà e dumandà glieud adattada or da mintga regiun. Las persunas ch’èn sa participadas definitivamain han stuì trametter ina foto da naiv da lur regiun linguistica a l’artista.

 

  1. Finanzas

La producziun dal maletg sco er l’installaziun dal text projectà surprenda l’artista. La lavur per far la foto na vegn betg indemnisada. I dat ina ediziun da 5 fotos. Sch’il maletg vegn vendì va il gudogn en favur da la promoziun da nossa suletta gasetta interrumantscha ‘La Quotidiana’ u auters mieds da communicaziun rumantschs.

 

Per cuntanscher blera glieud, fissi bel sche quest project vegniss enconuschent sin l’entir intschess rumantsch. L’artista vul far in ingiant cun quest maletg (5 ediziuns). Il pretsch inizial è frs. 80.00. Gugent prenda l’artista encunter Voss interess sut: yvonne_gienal@bluemail.ch; 078 635 96 65; yvonne-gienal.ch

 

Glion, ils 15 da mars 2018

 

Das romanische Fernsehen hat unsere Ausstellung besucht:

Der Link zum Film – bitte klicken!

Kabinett der Visionöre TV

katalog_austellung_stadtgalerie