La famiglia Babulin – Cudeschet per curturella
Cun istorgias, engiavineras, gieus e recepts per mintga stagiun
La Lia Rumantscha sa legra da preschentar sias novas ediziuns rumantschas. Per l’ina cumpara ina resch nova ediziun da la famiglia Babulin – in cudeschet cun istorgias, engiavineras, gieus e recepts en tut ils tschintg idioms e rumantsch grischun.
Las aventuras da Nie e Luisa Babulin cuntinueschan.Questa giada dovran els dentant l’agid da las lecturas giuvnas e dals lecturs giuvens. Per exempel esi da chattar ora tge colurs ch’ils fragliuns dovran per colurar lur ovs da Pasca ubain tge fritgs e verduras ehe creschan durant l’onn en l’iert da la famiglia Babulin. E nua pomai sa zuppa il chaun Lupo? Cler ch’il giat Brutus e anc adina in sabiut ed ha nauscha luna, ma cura ehe San Nicla vegn sin visita e el svelt davent e furtibus.
Sin 84 paginas envida l’ediziun «La famiglia Babulin – Cudeschet per curturella» uffants a partir da sis onns <lad accumpagnar ils Babulins tras l’onn. Per mintga stagiun datti da scuvrir istorgias, engiavineras, gieus e recepts. Las illustraziuns da l’artista Yvonne Gienal en per part anc en nair ed alv e spetgan sin colur. Da daventar activ animeschan er ils gieus, per exempel il gieu da las stgalas ch’ins po volver anora, sco er ils recepts stagiunals e gustus da la scolasta Patricia Cadruvi. Tar las engiavineras datti trais differents grads da difficultad <lad incumbensas levas fin vairs rumpachaus, uschia ch’il cudeschet procura era tar uffants ehe na san anc betg leger per curturella. Quatter istorgias plain tensiun, umor e bellas surpraisas da l’autura Flurina Plouda cumpletteschan l’ediziun ch’e disponibla en tut ils tschintg idioms e rumantsch grischun.
La famiglia Babulin fa part dal program per famiglias kidsfits da la Lia Rumantscha. La purschida gida a promover la lingua rumantscha tar uffants fin nov onns e vegn sustegnida da la Banca Chantunala Grischuna.
Tut las ediziuns pon vegnir retratgas a partir d’immediat en la nova butia online da la Lia Rumantscha sin www.liarumantscha.ch, via telefon 081258 32 22 u en las librarias.